தரமான கல்வி என்பது அடிப்படைக் கற்றல் தேவைகளைப் பூர்த்தி செய்வதோடு மட்டுமல்லாமல், கற்போரின் வாழ்க்கையையும் அவர்களது வாழ்வியல் அனுபவங்களையும் வளப்படுத்துவதாக அமைய வேண்டும். ஆரம்பத்தில் எழுத்தறிவு மற்றும் எண்ணறிவு போன்ற அடிப்படைத் திறன்களைக் கொண்டு கல்வியின் தரம் மதிப்பிடப்பட்டாலும், உண்மையான தரமான கல்வி என்பது அதையும் தாண்டிய பன்முகத்தன்மை கொண்ட வாழ்நாள் முழுவதற்குமான கற்றல் பயணமாகும். அது வகுப்பறைகளுக்குள் மட்டுமின்றி, பல்வேறு கற்றல் சூழல்களிலும் தொடர்கிறது. குழந்தைகள், இளைஞர்கள் மற்றும் பெரியவர்களின் எதிர்கால நல்வாழ்விற்கு இத்தகைய கல்வி அடிப்படையானது.

மொழி, கலாச்சாரம், சமூகச் சூழல் அல்லது பொருளாதார ஏற்றத்தாழ்வுகள் காரணமாக எவரும் கல்வியில் பின்தங்கிவிடக் கூடாது என்பதே திரு. ஈசுவரன் அவர்களின் தொலைநோக்குப் பார்வையாக இருந்தது. இதனை நனவாக்க, தரமான கல்வியை முன்னெடுத்துச் செல்லும் பள்ளிசாரா சமுதாய முயற்சிகள் அனைத்தும் ஒருங்கிணைந்து செயல்பட வேண்டும் என்பதை அவர் வலியுறுத்தினார்.

இந்தக் கல்வித் தொலைநோக்கை முன்னெடுத்துச் செல்லும் வகையில், சிறந்த கற்பித்தல் மற்றும் கற்றல் முறைகளை உருவாக்குதல், அவற்றின் தேவை பற்றிய அறிவையும் விழிப்புணர்வையும் பரப்புதல், நடைமுறைப்படுத்துதல் ஆகியவற்றை மையமாகக் கொண்ட திட்டங்களை iEvolve உங்களிடமிருந்து வரவேற்கிறது . குறிப்பாக: