உலகம் முழுவதும் ஆசிரியர்கள் மற்றும் கல்விப் பணியாளர்களின் குரலாக உலகளாவிய தொழிற்சங்கக் கூட்டமைப்பான Education International (EI) செயல்படுகிறது. இதில் 383 உறுப்பினர் அமைப்புகள் உள்ளன. 178 நாடுகள் மற்றும் பிரதேசங்களில் உள்ள 3.25 கோடிக்கும் அதிகமான ஆசிரியர்கள் மற்றும் கல்வி உதவிப் பணியாளர்களை இது பிரதிநிதித்துவப்படுத்துகிறது. திரு. ஈசுவரன் அவர்களின் உலகளாவிய சிந்தனையும் தொலைநோக்குப் பார்வையும் EI போன்ற உலகளாவிய அமைப்புடன் இந்திய ஆசிரியர்களை இணைக்கவும், 22 இலட்சத்திற்கும் அதிகமான இந்தியத் தொடக்கப்பள்ளி ஆசிரியர்களின் குரலை உலக அரங்கிற்கு எடுத்துச் செல்லவும் உதவியது. பெல்ஜியத்தின் பிரஸ்ஸல்ஸ் நகரில் செயல்படும் EI அமைப்பின் செயற்குழு உறுப்பினராக மூன்று முறை (2001- 2009) தேர்ந்தெடுக்கப்பட்டார். இப்பொறுப்பில் அவர் குறைந்த மற்றும் நடுத்தர வருமான நாடுகளில் தொடக்கக் கல்வியின் தரம், ஆசிரியர்களின் உரிமைகளை மேம்படுத்துவதில் EI அமைப்பின் பிரதிநியாக பல நாடுகளின் ஆசிரிய இயக்கங்களுடனும், அரசாங்கங்களுடனும் பணியாற்றினர். மேலும் கல்வியையும் ஆசிரியர்களையும் மேம்படுத்தும் இலக்கை அடைய, உலகளவில் கொள்கைப் பரிந்துரைகள், ஆசிரியர்களின் பணித்திறன் வளர்ச்சித் திட்டங்கள், சங்க வளர்ச்சித் திட்டங்கள், பயிற்சிப் பட்டறைகள் மற்றும் மாநாடுகளை EI வாயிலாக கொண்டு சேர்த்தார் . 

இந்தத் திட்டங்கள் பின்வருவனவற்றில் கவனம் செலுத்தின: • பன்னாட்டு ஆசிரியர்களிடையே ஒற்றுமையை வளர்த்தல். • புதிய கற்பித்தல் முறைகள் மூலம் தொடக்கக் கல்வியின் தரத்தை உயர்த்தல். • பெண் ஆசிரியர்களின் திறன்களையும் வாய்ப்புகளையும் வளர்த்தல். • குறைந்த மற்றும் நடுத்தர வருமான நாடுகளில் குழந்தைத் தொழிலாளர் முறை போன்ற பிரச்சினைகளுக்குத் தீர்வு காணுதல்.